终极动员令3：泰伯伦战争

讲返少少 C&C 嘅背景先：呢个即时战略游戏系列曾经创下辉煌嘅成绩，喺 2009 年时系列发行量超过 3,000 万套。而手游版亦以近未来为背景，分为拥有高科技嘅全球防御组织（ GDI ）同行动迅速嘅 NOD 兄弟会两大势力。正如其他即时战略一样，都係有个基地，要挖矿储钱、起设施、起兵，混合步兵、坦克、战机同巨型战具，目标就係打残所有对手。

此外，游戏好重视玩家对战，厂方会举办独家週末对战活动 Rivals Champions ，不同等级嘅玩家会被配对作赛以提升等级。玩家表现得愈出色，获得嘅战利品就愈丰富。

不过呢只《终极动员令：宿敌》虽然个皮係大家熟悉嘅 C&C ，但骨子里根本係另一只 game。

有别于以往，手游版 C&C 双方嘅基地喺左右两方，中间有个核弹砲塔，佔领咗一定时间就会发射核弹攻击对方基地，打爆对方基地就赢。以前解锁唔同兵种、车种係透过起唔同嘅设施嚟升级军力，不过呢只手游就係透过通关或者课金嚟攞宝箱，宝箱里面会有兵种同车种卡片，第一次拥有嗰张卡片就可以解锁嗰个兵种或车种，之后再攞到就用嚟升级。

诶⋯⋯係就係有挖矿，起防御砲塔嘅元素，不过细佬都係 buy 以前喺电脑玩开嗰种模式多啲，玩唔玩就自己决定喇！

iOS 版：按此
Android 版：按此